Vijon të rëndohet bilanci i koronavirusit në Kosovë, ku vetëm në 24 orët e fundit janë shënuar 21 viktima.
Sipas njoftimit të Ministrisë së Shëndetësisë në Kosovë, nga 10.609 testime, 1.278 qytetarë kanë rezultuar pozitiv me Covid. Gjithashtu, janë shëruar 1.248 qytetarë, ndërsa numri i përgjithshëm i të shëruarve është 122.140.
Në 24 orët e fundit vaksinuar janë 20.346 persona, ndërsa që prej fillimit të pandemisë në të gjitha qytetet e Kosovës janë injektuar 901.013 doza të vaksinës. Në total numri i rasteve aktive është 26.534.
Kujtojmë se, situata si pasojë e virusit në Kosovë është e rëndë, ku vetëm ditën e djeshme ndërruan jetë 26 persona dhe u infektuan mbi 1 mijë të tjerë.
