Një 21-vjeçar shqiptar dyshohet për vrasjen e një tjetër shqiptari 37-vjeçar, ngjarje e ndodhur mesditën e së dielës në veri të Londrës.
21-vjeçari Kozma Papa është vendosur zyrtarisht në akuzën e vrasjes nga policia britanike që hetoi ngjarjen. Papa banon në afërsi të qytetit të Bristolit, në jugperëndim të Anglisë.
Viktima u gjet në gjendje të rëndë me plagë me thike dhe pavarësisht se u transportua në spital nga ekipet e ndihmës së shpejtë, nuk mundi t’i mbijetojë plagëve, duke ndërruar jetë në mbrëmjen e së dielës.
Autori i akuzuar, Kozma Papa, 21 vjeçar ka dalë përpara një gjykate në Londër. Polica, e cila është duke hetuar ngjarjen, ende nuk e ka dhënë emrin e viktimës, as edhe motivet e mundshme të kësaj vrasjeje.
Papa është arrestuar nga Policia Metrpolitane, duke udhëtuar me makinë në dalje të Londrës. Në kuadër të hetimeve edhe një person tjetër, i moshës 30 vjeçare është arrestuar, por është liruar pa u ndërmarrë asnjë veprim ligjor ndaj tij.
Familja e viktimës është njoftuar nga policia dhe ajo po e ndihmon emocionalisht për të tejkaluar këtë humbje.
Scotland Yard thotë se kushdo që ka qenë dëshmitar i incidentit, që ka filmime nga kamerat e makinave apo te shtëpive do duhet të ndihmojë dhe lajmërojë menjëherë policinë.
Discussion about this post