Vrasja e Naim Bajrit ditën e sotme ka tronditur Shkodrën, edhe pse tashmë prej vitesh qyteti ishte përballur me përplasjet e ashpra “si në seriale” mes familjes Bajri dhe Hajdari. Naim Bajri është qëlluar 10 herë gjatë kohës që po pinte kafe dhe plumbat i kanë marrë menjëherë jetën.
Policia po vazhdon hetimet, por si pistë kryesore për këtë atentat mbetet hakmarrja, pasi vite më parë Naim Bajrit i kanë varë edhe djalin. Kjo “luftë” mes dy familjarëve ka nisur 21 vite më parë dhe për këtë hark kohë atë kanë shkaktuar trazira, atentate dhe disa plagosje në Shkodër. Kujtojmë se, më 21 tetor të vitit 2001, Ilmir Hajdari është akuzuar për vrasjen e Indrit Bajrit, djalin e Naimit, në bashkëpunim me Xhabir Shegën dhe Kujtim Barbullushin.
Ditën e ngjarjes, Ilmiri, pasi kishte marrë me vete edhe Xhabir Shegën e Kujtim Barbullushin, po udhëtonin me një makinë “Mercedes Benz”. Të tre të pandehurit ishin të armatosur me armë dhe po lëviznin nga qendra e qytetit në rrugën kryesore, në drejtim të lagjes “Partizani” (Rus). Te kryqëzimi, pranë Shkollës së Muzikës, në trotuarin pranë restorant “Podgorica”, Ilmir Hajdari vë re Indrit Bajrin dhe ky i fundit vë re atë (Hajdarin). Menjëherë ata reagojnë ndaj njëri-tjetrit dhe Ilmiri ka qëlluar në drejtim të tij. Po ashtu, ndaj Bajrit kanë qëlluar Xhabir Shega e Kujtim Barbullushi, duke i shkaktuar vdekjen e menjëhershme.
Hajdari është arrestuar një vit pas vrasjes së Bajrit, por është liruar duke përfituar nga një amnisti. Ai është larguar drejt Italisë, por është shpallur në kërkim ndërkombëtar, pasi dosja është rihapur. Në vitin 2009, pasi është ekstraduar nga Italia, gjykatat shqiptare fillimisht e kanë dënuar me 16 vite burg. Pas 3-4 vitesh është liruar për shkak të mungesës së provave. Pavarësisht dënimit që mori Hajdari, përplasjet mes familjeve nuk mbaruan. Në vitin 2017 ‘Mir vetlla” mbeti i plagosur rëndë në një atentat me armë zjarri në lagjen “Perash” të Shkodrës dhe u transportua me urgjencë drejt Tiranës, kur arriti të shpëtonte. Asaj kohe dyshimet e para u hodhën tek familja Bajri, pasi do të merrnin hak për vrasjen e të birit në lagjen Rus. Kjo lagje është e njohur si zona e shumë atentateve në shkoder dhe mbart në të shume ngjarje kriminale që edhe në seriale nuk do i shihnim. Edhe pse kanë ndodhur kaq shumë atentate mes keëtyre familjeeve instutucionet nuk kanë hyre kurrë në thellësi të konfiliktit dhe as nuk kanë marrë masa, që do të prandalonin këto vrasje dhe këtë hakmarrje ku gjaku po lahet me gjak.
Discussion about this post