22-vjeçarja shqiptare zhduket në Greqi, i çon SMS fqinjit: Më morën peng…

Detaje të reja janë zbardhur në lidhje me zhdukjen e 22-vjeçares shqiptare, Paloma Zerellari në Greqi.

E reja shqiptare ka humbur kontaktet me familjarët e saj që prej datës 12 dhjetor. Por së fundmi mediat greke kanë zbuluar një mesazh që ajo i ka dërguar fqinjit të saj një ditë pas zhdukjes.

Në këtë mesazh ajo shkruan se është rrëmbyer me një burrë, por pa dhënë shumë detaje.

“Thuaji mamit se më ka rrëmbyer një burrë”.

Paloma Zerellari u zhduk mbrëmjen e 12 dhjetorit nga Chania, por autoritetet greke u njoftuan për zhdukjen e saj mbrëmjen e 8 janarit. Familjarët kanë denoncuar zhdukjen e saj pasi kanë frikë se jeta e saj mund të jetë në rrezik.

E reja shqiptare është 1.65 m e gjatë, me peshë normale, flokë ngjyrë gështenjë dhe sy kafe. Ditën që u zhduk ajo kishte veshur një këmishë shumëngjyrëshe dhe një bluzë rozë.

Ky mesazh po shqyrtohet nga autoritetet në Chania që trajtojnë çështjen e zhdukjes së saj.

Mediat greke raportojnë se 22-vjeçarja ka një fëmijë 2-vjeçar nga një lidhje e mëparshme.