Ditën e djeshme një vajzë 22-vjeçare tentoi t’i jap fund jetës me thikë. Policia ka bërë publik shkakun e këtij vendimi, duke njoftuar se dhuna fizike dhe psikologjike që bashkëshorti 34-vjeçar ushtronte ndaj saj, ishin motivi që çuan në tentativë për vetvrasje të 22-vjeçares. Policia e Maliqit ka arrestuar në flagrancë bashkëshortin e 22-vjeçares për veprën penale “Dhunë në familje”.
Ngjarja e rëndë mësohet se ka ndodhur në fshatin Orman, Maliq, teksa nga veprimet hetimore të kryera, rezulton se ky shtetas në banesë, ka ushtruar dhunë fizike dhe psikologjike, ndaj bashkëshortes së tij shtetases E. R. Viktima e dhunës aktualisht ndodhet në spitalin e Korçës, ku po merr ndihmën e bluzave të bardha.
Materialet i kaluan Prokurorisë së Rrethit Gjyqësor Korçë për veprime të mëtejshme.
Discussion about this post