23-vjeçari godet rëndë në kokë 55-vjeçarin, shpallet në kërkim

Një ngjarje e rëndë ka ndodhur në Himarë.

Një 23-vjeçar ka goditur rëndë në kokë një 55-vjeçar. Policia ka shpallur në kërkim të riun.

“Sot, rreth orës 15:50, në vendin e quajtur “Kryqëzimi i Kampit”, në Dhërmi, dyshohet se pas një konflikti për motive të dobëta, shtetasi H. L., 23 vjeç, ka goditur me grushte, duke e dëmtuar rëndë në kokë, shtetasin A. M., 55 vjeç, i cili ndodhet në spital, nën kujdesin e mjekëve.

Vijon kontrolli i zonës për kapjen e autorit të dyshuar të ngjarjes.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes”, njofton policia.