Banorët e fshatit Moravë kanë dalë sërish në protestë ditën e sotme për mosdakordësinë që ata kanë më shtetin në lidhje me shpronësimet që do t’u bëhen. Janë rreth 230 familje të cilat preken nga ky shpronësim. Sipas banorëve, vlerësimi është bërë me një çmim tepër të ulet çmim, i cili nuk kompenson as minimumin e vlerës së pronës së tyre. Protestuesit janë shprehur se do vijojnë protestën e tyre deri në zgjidhjen e këtij problemi.
“Na i morën tokat po ne me çfarë do ushqehemi. Ne kishim menduar të shkojnë në Tiranë për protestë. Në asnjë mënyrë nuk jemi dakord për çmimet. Ky çmim është qesharak, ata i kanë marrë lekët për vete. Ne duam t’i vlerësojnë tamam, tokat në bazë të çmimit Të tregut të sotëm. Askush nuk ka ardhur të na takojë dhe të bisedojë me ne për këtë çështje”, tha ai.
Ndërsa një banor tjetër tha se kanë punuar tërë jetën për ato shtëpi dhe deri më tani nuk kanë marrë asnjë shpërblim. Në janar sipas njoftimit të marrë nga Ministria e Mbrojtjes do fillojnë punimet dhe banorët shprehen se nëse do jetë i njëjti vlerësim do vijon protestat në Tiranë para ambasadës Amerikane apo Ministria e Mbrojtjes . Protestuesit shprehen se nëse nuk ka zgjidhje do të flijohen brenda banesave të tyre. “Ne nuk jemi kundër ngritjes së aeroportit por kërkojmë që të vlerësohemi me çmimin e tregut”, tha një banor.
Discussion about this post