Nxënësit e shkollës së Mesme Profesionale “Sali Ceka” në qytetin e Elbasanit kanë denoncuar rastin se bashkia nuk iu kalonë bursat në bankë. Një nxënës ka treguar për “Fiks Fare” se, trajtohet me bursë të plotë dhe se vitin e kaluar kalimi i bursave është mbyllur si proces në muajin Gusht, ndërsa këtë vit kanë kaluar rreth 4 muaj dhe marrin gjithmonë të njëjtën përgjigje “do të kalojnë”. Ai thotë se është përfitues i bursës së plotë dhe se çdo vit bursat kanë kaluar rregullisht, ndërsa këtë vit kanë kaluar vetëm 2 këste.
“Kësti i parë me 25/05/2021 me shumë 296 mijë lekë të vjetra ndërsa kësti i dytë ka kaluar në datën 16/07/ 2021 me shumën 100 mijë lekë të vjetra. Për këstin e tretë që duhej të kishte kaluar të paktën në muajin Gusht ka rreth 4 muaj që na shmangin duke na thënë që do kalojë këtë javë do të kalojë javën tjetër. Kërkoj ndihmën e emisionit tuaj për të marrë një përgjigje të saktë se kur do të bëhet ky kalim, pasi erdhi koha për të përgatitur dokumentet për bursat e vitit 2021-2022 dhe ne nuk kemi marrë akoma bursat e vitit të kaluar” shprehet nxënësi.
Lidhur me denoncimet e bëra një takim një punonjëse e bashkisë u shpreh se vonesat janë si shkak i disa lëvizjeve në strukturat e bashkisë. Por edhe pse me vonesë listat janë dërguar tha Bashkia Elbasan, duke i pasuar përgjegjësinë shkollës.
Discussion about this post