Ministria e Shëndetësisë në Kosovë ka bërë me dije se në 24 orët e fundit kanë ndërruar jetë 26 persona nga Covid-19, ndërsa janë shënuar 1.383 raste të reja.
Sot janë shëruar 996 qytetarë, ndërsa numri i përgjithshëm i të shëruarve ka shkruar në 115.657. Në total numri i rasteve aktive është 26.886.
Dje hynë në fuqi masat e reja anti-Covid në Kosovë, pas rritjes së infektimeve. Në mesin e masave të reja që hyjnë në fuqi është edhe ora policore për të gjithë qytetarët që fillon prej orës 22:00 deri në ora 05:00. Maska është e detyrueshme kudo, përveç në tri raste: Gjatë drejtimit të automjetit vetëm, apo kur në automjet janë prezentë vetëm anëtarët e familjes; Gjatë vrapit, çiklimit dhe ushtrimeve fizike; Gjatë ngrënies apo pijes.
Fillimi i vitit shkollor është shtyrë deri më datën 13 shtator. Po ashtu, janë ndaluar shërbimet në gastronomi në hapësirat e mbyllura.
