Shefi i Politikës së Jashtme të Bashkimit Evropian, Josep Borrell, bashkë me komisionerin për zgjerim, Oliver Varhelyi kanë dalë në një deklarate të përbashkët për 26 vjetorin e masakrës së Srebrenicës.
”Në Evropë nuk ka vend për të mohuar genocidin, revizionizmin dhe për të glorifikuar kriminelët e luftës. Këto janë në kundërshtim me vlerat më themelore evropiane. Përpjekjet për të rishkruar historinë janë të papranueshme”.-thuhej në deklaratë.
Dy zyrtarët shtuan se Evropa nuk e ka harruar përgjegjësinë e saj për dështim në parandalimin e gjenocidit në Srebrenicë.
“Gjykatat ndërkombëtare, gjykatat në Bosnjë dhe Hercegovinë dhe vendet fqinje duhet të vazhdojnë të ofrojnë drejtësi për të gjitha viktimat e krimeve të luftës, krimeve kundër njerëzimit dhe gjenocidit, si dhe për familjarët e tyre. Paqja mund të ndërtohet vetëm mbi drejtësinë”, thanë Borrell dhe Varhelyi.Për më shumë bëhu pjesë e grupit më viral në Facebook, Dosja.al
“Nuk mund të ketë mos-ndëshkueshmëri, gjenocidi është gjenocid, qoftë i kryer në Srebrenicë apo diku tjetër”, përfundoi deklarata.
