27-vjeçari tenton të arratiset nga komisariati në Kolonjë

Një 27-vjeçar në Kolonjë i cili ishte shoqëruar në Komisariatin e Policisë, tentoi ditën e sotme të arratiset.

Ishin forcat e policisë ato të cilat mundën ta neutralizonin dhe e arrestuan në flagrancë.

I riu me iniciale E.Sh ishte shoqëruar nga policia pas një konflikti që kishte pasur me familjarët e tij.

Edhe pse shoqëruar, ai kundërshtoi e kanosi punonjësit e policisë e më pas tentoi arratisjen nga komisariati, por pa sukses.

27-vjeçari është person me precedent të mëparshëm penal në fushën e vjedhjes së pronës e dhunës në familje.