270 milionë $ me Soros-USAID, për ca miliarda me Mafian

Nga Basir Çollaku

Tani si zaptues i çdo zyre dhe hapësirë publike, kontrollues i parave nën dhe mbi ligj, shpartallues i drejtësisë dhe ekonomisë, Edi Rama në fillesën e motit të 12 të sundimit të tij, po vulos ish-Shqipërinë.

Rama 4

Çfarë është?!

Një sallë-stallë me policë të inkriminuar zyrtarë ligjesh të korruptuar, administratë e klonuar, vendorë të eunukëzuar, parti e zeqinuar, banditë të kuruar, mafie e ortakëruar, me një KM të pamjekuar në një rrokullisje të shfrenuar.

Dom Vlash Palaj famulltari i Shkodrës, dëshmi e përsëritur se si përballë një pushteti të pazotëruar Rama rrëshqet në çakërdisje. Teksa fliste për pushtimin ramist të Thethit kleriku shigjetoi kthjellët thelbin e ndodhisë. Ndër të tjera tha se “Një konflikt i madh po ndodh në Theth, më vjen shumë keq, sepse ata i joshën, i rrejtën, i shfrytëzuan, i vjelën dhe në fund i hodhën dhe i tradhëtuan, i dogjën, i shkatërruan. Do i gjobisin dhe do i burgosin”.

KM u mllefos errësuar nga babëzia dhe u shkreh si të parët e tij ateistë e vrasës klerikësh. Autokrati Rama, aplikues për diktator i madh bë Shqipërinë e vogël i sheh përfaqësuesit e komuniteteve të besimeve si opozitarët e pashitshëm pengesë e pakëmbyer nga pushteti dhe paraja e tij gri dhe e zezë.

Në Evropë e dinë por plot turp heshtin. Ata e dinë lidhjen e tij me krimin e organizuar. Në USA e dinë. E njohin sevdanë e tij të dukshme bashkëpunuese me Mafian.

Në kongresin amerikan së fundmi një raport tregon se 270 milionë dollarë Soros-USAID u përdorën kundër PD, Berishës, opozitës.

Po sa përfitoi shpenzuesi i këtij vakti financiar?! U krijua një drejtësi e kapur prej tij. Kur Soros hallakatej nëpër Tiranë përqafuar e puthur me Ramën e Veliajn, ambasada amerikane rrinte gatitu. Prokurorë e gjyqtarë krihnin bishtin oreksit e porosive të KM. Kështu Shqipëria u la eksperiment kriminal nën këmbët e një përfaqësuesi Mafioz për kryetar qeverie. U hap rrugë pastrimit të parave. U bënë miliarda.

Shqipëria nën krim korrupsion e tritol po shitet për të shumtën herë. Amerikanët po pastrojnë shtëpinë e tyre dhe ne presim mbase fshesa kap një garsonierë si vendi ynë në këtë operacion. Në këtë moment ne nuk duhet të shohim. Duhet të djegim djegësin asgjësuesin dhe rikthyesin e diktaturës.

Meqë priti plot zvarritje personale sheikun shtetar të Emirateve pas ofertës për ndonjë pazar trojesh në mal apo në det, ti lypë një marrëveshje ekstradimi, meqë andej janë shumë financues kokaine shqipfolës.. Në fakt ata janë dakort. Mos presim nga SPAK të humbasë toruan e marrë të pandehur themeluesit e rehatisë.