Ministria e Shëndetësisë në Kosovë ka publikuar të dhënat e fundit me situatën e Covid-19 në vendin fqinj. Në 24 orët e fundit, rezulton se 920 qytetarë janë infektuar me virusin, ndërsa janë shënuar 28 humbje jete.
Sipas njoftimit, në 24 orë janë shëruar 1.698 qytetarë, ndërsa numri i përgjithshëm i të shëruarve është 123.852. Në total numri i rasteve aktive është 24.484.
Që nga nisja e procesit të vaksinimit, në të gjitha qytetet e Kosovës janë injektuar 938.504 doza të vaksinës anti-Covid. Kosova po kalon një situatë të vështirë me Covid-19 ku vetëm ditën e sotme, ndërruan jetë një nënë bashkë me djalin e saj.
