Refik Matës është shqiptari që ndërroi jetë me 17 dhjetor 2021 në burgun e Tarascon në Francë. Familja e tij kërkon sot drejtësi dhe vënien para përgjegjësisë autorin, pasi nuk besojnë se i biri ka vrarë veten.
29-vjeçari u gjet i pajetë në qelinë e tij, ndërsa autoritetet thanë se bëhej fjalë për një vetëvrasje. Por, sipas familjarëve ky version është bërë për të mbyllur çështjen dhe mos rënduar faji mbi autorët e vërtetë. Kështu, ata kërkojnë sot që të hidhet dritë mbi vdekjen e njeriut të tyre të dashur.
Familja e të ndjerit përmend një rast në 7 Tetor kur Refiku është shfaqur i dhunuar në një seancë ku do të flitej për përjashtimin e tij drejt Shqipërisë dhe të mos kthehej më në Francë. Sipas familjarëve, ai ka pasur shenja të dukshme të dhunës në fytyrë dhe në pjesët e tjera të trupit. Kur gjykatësi e ka pyetur se si i ka marrë ato shenja, shqiptari nuk ka dhënë arsye, të paktën kështu raporton avokatia e çështjes
“Refiku kishte nisur të punonte në burg dhe dy ditë më vonë vëllai i tij kishte vendosur që ta vizitonte. Ai ishte mirë. Ka pasur disa raporte nga drejtuesit e burgut se Refiku fajësohej për disa incidente brenda institucionit të dënimit. Këto raporte na surprizuan sepse Refiku përpara burgut në Tarascon është burgosur edhe në Nice dhe nuk ka pasur asnjë situatë të veçantë”, tha avokatja. Mata do të lirohej në Shkurt të vitit 2024. Sipas avokates, ai nuk kishte asnjë arsye që t’i merrte jetën vetes.
Discussion about this post