Në prononcimin që pati pak më parë për mediat, Kryeministri Edi Rama u pyet për më shumë detaje nga emri që mund të zgjidhet si president. Ai tha që nuk është nevoja për shumë aludime, pasi presidenti i ri do të jetë një njeri normal, i cili do mund të plotësoj të gjitha kriteret që kërkon Kushtetuta. Sipas Ramës, duke u bazuar në Kushtetutë do të jetë edhe më e lehtë zgjedhja e një personi të denjë. Sakaq ai foli për rolin e opozitës në këtë proces. Mes ironi Rama tha se kjo është punë për ta, duke treguar se PS ka kontribuar edhe kur ka qenë opozitë, tani është radha e PD që të japë kontributin e saj.
“ Po ta kishim identifikuar do ta kishim publikuar,. Ne nuk kemi bërë votim, kemi mbledhur propozime. Po ju thosha që këto kritere profile fusha, janë organizma për të krijuar mjegull gjatë rrugës, ndërekohë që është shumë e qartë që nuk është as fusha, as mbledhjet për profile që nxjerrin kandidaturën për president. Sepse pavarësisht nga fusha, apo çfarë mund të shkruajmë, është absolutisht e panevojshme të shkojmë në një drejtim që është thjeshtë për të konsumuar kohën deri në ditën kur del emri. Kushtetuta ka nevojë për një garant, republika ka nevojë për një figurë që të mishërojë normalitetit, mes besimeve, bindjeve dhe opinioneve të ndryshme. Patjetër e gjithë kjo bashkësi shqiptare ka nevojë për një pikë referimi, dhe për një shqiptar për shqiptarë, ku gjithkush ta konsiderojë një person me të cilin e lidh një urë respekti.
Nëse nuk do të sjellin asnjë kontribut është zgjedhja e tyre, nuk ka dramë të madhe. Ne kur ishim në opozitë, jo vetëm herën e parë, por edhe herën e dytë kur nuk kishim vota, ishim aty dhe dhamë kontributin tonë. Nuk është koha për ta turpëruar Shqipërinë në këtë farë feje. E sigurtë që nuk vijnë nga bota e përtejme, do bazohemi në kriteret e Kushtetutës”, u shpreh Rama, duke theksuar edhe njëherë se me ose pa PD, procesi do të vazhdojë.
Discussion about this post