3 mijë policë për arrestimin e 200 shpërndarësve, Vocaj: Në shkolla shitet…

Në operacionin policor që çoi në arrestimin e mbi 200 personave që dyshohet se janë shpërndarës droge, morën pjesë rreth 3 mijë trupa policore.

Ky detaj u bë i ditur nga Drejtori i Policisë së Tiranës, Tonin Vocaj, i cili në studion e emisionit “Opinion” tha se hetimet kanë nisur që në muajin mars.

Drejtori i Policisë së Tiranës tha se aktualisht janë rreth 80 persona në kërkim. Po ashtu, Vocaj pranoi se në Tiranë ekziston fenomeni i shitjes së drogës në shkolla.

“Janë angazhuar rreth 3 mijë forca policie. Hetimi ka filluar që në muajin mars, por është intensifikuar dhe nën drejtimin e drejtuesve në rrethe.

214 masa sigurimi janë ekzekutuar, kemi miratuar në total 296 masa sigurimi, ndërsa janë në kërkim 80 persona të tjerë.

Në Tiranë ekziston si fenomen,  është i përhapur. Ne i kemi arrestuar në mëngjesin e sotëm pjesën më të madhe pas orës 07:00.

Për një kategori personash që janë vlerësuar si më të rrezikshëm Policia e Tiranës ka vepruar dje pasdite për 25 prej këtyre personave që ju kemi gjetur pothuajse të gjithëve sasi të ndryshme të lëndëve natrkotike, dje pasdite kemi sekuestruar rret 400 gr kokainë dhe një sasi të madhe drogërash të tjera.

Operacioni ka vazhduar sot në mëngjes. Janë kontrolluar të gjitha këto ambiente dhe banesa që ne jemi patur autorizim për kontroll. Ka sanksione shumë të rënda për këtë dhe ne shpresojmë që gjykata të vazhdojë”, tha Vocaj