Kryeministri Edi Rama ka folur sot edhe për kryeministrin e Malit të Zi, i cili ishte në samit dhe pati një takim me Vuçiç. Sipas tij ato tre vende që në fillim ishin skeptike ndaj Open Balkan shumë shpejtë do të jenë pjesë e tij.
Ai deklaroi gjatë një intervistë televizive se, me presidentin Vuçiç ai nuk bie dakord vetëm në një pikë, në dialogun me Kosovën.
“Jam i bindur që të gjithë do të vijnë këtu se nuk kanë ku shkojnë. Në sensin e prijes drejt të ardhmes. Nuk është projekt që lindi hajde se po bëjmë diçka për t’i gjetur vetes punë. Është projekt që lidhet me të ardhmen e këtij rajoni. Mos dakordësia ime më e madhe me presidentin serb është ajo për Kosovën, por besoj se në paqe zgjidhen me dialog.
Kujtojmë se, përveç Kosovës, Bosnja dhe Mali i Zi janë shprehur kundër nismës.
Discussion about this post