Nuk po ndalen tragjeditë në ujërat e Mesdheut. 30 emigrantë të jashtëligjshëm rezultojnë të zhdukur, pasi një varkë me të paktën 50 klandestinë u fundos në afërsi të brigjeve të Libisë.
Të paktën, 17 persona u shpëtuan, pasi emigrantët arritën të kërkojnë ndihmë tek njësitë e vullnetarëve të shpëtimit. Megjithatë këta të fundit akuzuan autoritetet italiane se reaguan qëllimisht me vonesë, pasi dërguan sinjal alarmi në Qendrën Kombëtare të Koordinimit të Shpëtimit Detar në Romë.
Megjithatë autoritetet italiane thanë se ndihma erdhi me vonesë për shkak të kushteve të këqija atmosferike që shkaktuan det të trazuar. Të Shtunën, në brigjet italiane mbërritën 1 mijë emigrantë afrikanë, ndërsa dy javë më parë në brigjet kalabreze u mbytën 74 persona.
Qeveria e Xhorxhia Melonit ka ashpërsuar ligjet kundër dyndjeve të emigrantëve të jashtëligjshëm, duke ndaluar hyrjen në hapësirën detare italiane të anijeve vullnetare të shpëtimit. Kjo sipas autoriteteve italiane ka reduktuar ndjeshëm numrin e tyre.
Discussion about this post