Një 30-vjeçar nga Dibra është mbajtur mbi 2 muaj burg për akuzën e përdhunimit, pasi është denoncuar nga një vajzë e cila pas ekspertizave mjeko-ligjore rezultoi se ishte ende e virgjër.
E reja e kishte njohur 30-vjeçarin në internet dhe kishte thënë se, pasi janë takuar e ka droguar me një shiringë dhe më pas e ka përdhunuar. Ndër të tjera, denoncuesja, ka thënë në polici se është kërcënuar përmes një letre ku shkruhej se “po tregove do të vras”.
Pas këtij qëndrimi, i riu me banim në Kamëz, por me origjinë nga Dibra rezulton të jetë arrestuar “për arsye të ngutshme” pasqyrohet në procesverbalet e policisë “si një mase që i dyshuari të mos arratisej”.
Por, megjithë këmbënguljen e 30-vjeçarit se as që kishte komunikim me denoncuesen , gjykata e Tiranës u bind jo nga fjalët e tij por nga provat që mbërritën me vonesë çka solli lirimin e tij.
