Një ngjarje e rëndë është raportuar në një shkollë fillore në Gjermani, ku një burrë ka sulmuar me thikë dy nxënëse të moshës 7 dhe 8 vjeç.
Mediat vendase raportojnë se ngjarja ka ndodhur në zonën Neukeln të Berlinit në ambientet e shkollës fillore.
Nga të dhënat paraprake, autoritetet bëjnë me dije se autori i dyshuar është një 30-vjeçar, i cili është vënë në pranga në vendin e krimit.
Për arsye hetimore identiteti i tij nuk është bërë ende publik, ndërsa nuk dihet ende motivi i ngjarjes.
Dy të miturat janë transportuar me urgjencë në spital dhe ndodhen në gjendje kritike për jetën.
Policia dhe zjarrfikësja ndodhen në vendngjarje. Sipas raportimeve, dëshmitarë të ngjarjes ishin edhe disa fëmijë.
Discussion about this post