31-vjeçari “nën efektin e alkoolit” sulmon Urgjencën e Spitalit të Vlorës

Një incident është regjistruar në ambientet e Spitalit Rajonal të Vlorës, ku një 31-vjeçar ka dëmtuar me grusht derën e Urgjencës.

Policia njofton se shtetasi K.B., 31 vjeç, banues në Vlorë, dyshohet se ka qenë nën efektin e alkoolit gjatë ngjarjes. Pas incidentit, i riu është larguar nga vendi, ndërsa autoritetet e kanë shpallur në kërkim.

“Specialistët për Hetimin e Krimeve në Komisariatin e Policisë Vlorë referuan materialet në Prokurori dhe shpallën në kërkim shtetasin K.B., pasi dyshohet se ka dëmtuar derën e Urgjencës së Spitalit Rajonal Vlorë, duke e goditur me grusht,” njofton policia.

Hetimet për zbardhjen e plotë të rrethanave të ngjarjes vazhdojnë.