Ndërsa ish-kryeministri Sali Berisha po mban Kuvendin për rithemelimin e PD, kreu aktual i selisë blu, Lulzim Basha po zhvillon një ceremoni për 31-vjetorin e krijimit të PD.
Nga selia blu, Basha u shpreh se kjo është ditë e rëndësishme jo vetëm për PD, ndërsa ka instaluar para selisë, memorialin me firmëtarët themelues të dhjetorit 1990.
“Zonja dhe zotërinj, kryetarë dhe kryetare të PD, të grup seksioneve, demokratë, të dashur miq dhe të ftuar, mblidhemi në një ditë kuptimplotë për demokratet. Në një ditë kuptimplotë për të gjithë shqiptarët që kanë në zemër vlerat e demokracisë që nisën 31 vite më parë në një rrugëtim plot me sprova të ushqyer nga ëndrrat më të bukura të studentëve të dhjetorit. Kryengritjen e të cilëve e kujtuam 3 ditë më parë. Së pari dhe ndryshe nga herë të tjera, PD e kujton këtë ditë duke përjetësuar në ambientet e saj dokumentin themeltar të firmëtarëve të PD. Të emrave të atyre që sot nuk janë mes nesh, të atyre që janë jashtë të atyre që janë kthyer nga SHBA e Kanadaja. Sot këtë instalacion do e zbulojnë dy vajza të forumit rinor të PD, si simbol i vazhdimit të misionit tonë për shqiptarët me rininë për rininë me të ardhmen. Sprovat tona kanë qenë të panumërta. Disa i kemi mbartur brenda vetes, që nga momentet e para të lindjes”, tha Basha.
Discussion about this post