Ish-kryeministri Sali Berisha ka shkuar sot në Lezhë, në 31-vjetorin e Partisë Demokratike. Demokratët në momentin që Berisha ka shkuar në Lezhë e kanë pritur me thirrje: Rama ik, Rama ik. Në fjalën e tij Berisha tha se, Rama duhet larguar sa më parë nga qeveria pasi po mban peng PD-në dhe pluralizmin e vendit.
“Ne kemi një armik shumë më të rrezikshëm se ai që kishim para vitit 1990. Ai që kishim, ishte një diktator, i cili kishte urdhëruar vrasje politike, por prapë e kuptoi se uragani i lirisë nuk mund të ndalet. Sot jemi përballë një armiku të egër të pluralizmit. Sot jemi i vetmi vend, ku kreu i qeverisë, kreu i Meduzës, mendon se do mbajë peng pluralizmin në Shqipëri. Mendon dhe beson duke marrë peng Lulzim Bravën, do të mund të vazhdojë të shkelmojë mbi të drejtat e shqiptarëve, mbi interesat e shqiptarëve,” tha Berisha.
Ish-kryeministri vazhdimisht ka hedhur akuza të forta se Basha dhe Rama bëjnë pakte të fshehta kundër popullit.
Discussion about this post