Disa ditë pasi struktura policore e pikës kufitare të Morinës u shpërbë pasi 32 policisë u arrestuan për korrupsion, është bërë zëvendësimi i kësaj strukture dhe puna po vijon normalisht. E njëjta situatë është edhe me policinë kufitare të Kosovës. Procesi i punës si dhe i hyrjes apo daljes se mjeteve e qytetarëve në dy anët e kufirit është sipas procedurave dhe nuk janë vërejtur probleme apo vonesa të pajustifikuara në kufi.
SPAK në bashkëpunim me policinë e Kosovën arritën të deshifronin skandalin që kishte përfshirë pikat e përbashkta kufitare duke sjellë arrestimin e tyre. Ngjarja ndodhi ditën e premte ku u shoqërua trupa policore e shërbimit si dhe ato të ndërresës për shkak të një hetimi dy vjeçar dhe shkeljet e vërejtura nga përgjimet e SHÇBA dhe SPAK, bashkë me IPK e Kosovës.
Në Gjykatën e Posaçme dje është zhvilluar seanca gjyqësore për 34 urdhër arrestet e lëshuara nga SPAK për korrupsion dhe shpërdorim detyre. 32 prej tyre janë efektivë e punonjës të kufirit në Kukës, dhe dy të tjerë qytetarë. Në përgjimet e SPAK tregohen raste ku punonjësit u bëjnë presion qytetarëve për ti dhënë para. Në përgjime u përmend edhe këngëtarja Zaimina Vasjari e cila kishte kaluar doganën pa prokurë në këmbim të parave.
Për 16 prej tyre u caktua në mungesë arrest në burg, arrest në shtëpi për 12 të tjerë, për 4 efektivë pezullim nga detyra si dhe masa arrest shtëpie për dy qytetarë. Pagesat e që merrnin ishin kryesisht nga 10 euro, por varionte edhe më shumë.
Discussion about this post