Kreu i PD Sali Berisha, në 32-vjetorin e themelimit të Partisë Demokratike në Kamëz, foli për situatën politike në vend.
Berisha tha se Edi Rama është një bastard dhe pasardhës i një xhelati. Për Berishën, Rama po shkel çdo parim e normë.
“Edi Rama është demon pushteti. Ai shkel çdo parim dhe normë për pushtet. Nuk është tjetër veçse bastard, pasardhës i një xhelati”, tha Berisha.
Berisha: Ronald Regan thotë me të drejtë, demokracisë i mjafton një gjeneratë për t’u zhdukur, për t’u arkivuar. Ajo që shohim ne sot, ajo që përjetojmë është dramatike. Në vitin 90’-91’, banorët e Kamzës dhe Shqipërisë jetonin në monizëm të plotë.
Diktatori Ramiz Alia, i cili bënte gjithçka të mbahej në pushtet, megjithatë, nuk tentoi asgjësimin e opozitës. Sot, pas 32 vitesh, një bastard i bllokmenëve hoxhistë, një pasardhës i një intelektuali xhelat, i cili do firmoste në vitin 1988 varjen në litar të poetit Havzi Nela, vetëm se ishte kundërshtari i tij politik.
Pas 32 vitesh, do përdorë çdo metodë, do bëjë gjithçka për asgjësimin e PD-së. Po bën gjithçka për spastrimin etnik të Shqipërisë. Demon pushteti. Dëshmon se është i aftë të shkelë çdo parim, çdo normë dhe moral, që të qëndrojë për vete në pushtet. Edi Rama, është një armik i egër i votës së qytetarëve shqiptarë. Duke plaçkitur dhe dhunuar votën, ai kaloi nga mandati në mandat.
Tani mendon se me vendime antidemokratike, duke mbajtur peng vendimin e gjykatës, t’i japë një goditje shkatërruese Partisë Demokratike. Kjo s’do ndodhë kurrë.
Për pushtetin e tij, arrin të korruptojë një nga njerëzit më të rëndësishëm për sigurinë e SHBA-së. E kontrakton atë për misione të shkatërrimit të opozitës. Edi Rama do të bëhet përgjegjës për këtë. Demokratët nuk ta falin këtë akt të turpshëm.
Discussion about this post