Ish-deputeti demokrat Myslim Murrizi është shprehur sot se rrokada e gënjeshtërt e pushtetit politik në Shqipëri është një e vërtetë e hidhur e 35 viteve të fundit në vend.
Përmes një postimi në rrjetet sociale, Murrizi shkruan se Shqipëria ka pasur ‘luftë’ politike vetëm sa për të ndarë shqiptarët në dy kampe.
Postimi
Kjo është një e vërtetë e hidhur e 35 viteve “mender” demokraci në Shqipëri.
Pushteti politik dhe qeverisës real ka qenë një rrokadë fallco mes “shokësh” të të njëjtit ideal.
“Lufta” politike ka qenë thjesht ushqim për militantët dhe justifikim për ndarjen e shqiptarëve në dy kampe – gjoja të majtë e të “djathtë” – por në fakt, kurrë Shqipëria nuk ka pasur një parti politike të djathtë të vërtetë.
Madje edhe partitë e qendrës kanë qenë një miksim idesh, programesh dhe individësh që anojnë shumë majtas.
Këtë jua kam thënë në sy në Parlament në vitin 2019, dhe askush nuk belbëzoi një fjalë.
Discussion about this post