37-vjeçari doli i zhveshur në rrugët e Tiranës, policia: Ka probleme mendore

1 muaj më parë

Në lidhje me një video të postuar në portale, në të cilën shfaqet një person i zhveshur, policia sqaron se sot rreth orës 12:55, është marrë njoftim në rrugën “Mujo Ulqinaku”, se një 37- vjeçar i cili vuan nga probleme të theksuara të shëndetit mendor, ka dhunuar familjarët e tij dhe është larguar nga banesa i zhveshur.

Shërbimet e Policisë, pasi kanë marrë njoftimin, kanë reaguar menjëherë dhe rreth orës 13:10, kanë bërë kapjen personit të identifikuar me iniciale E. M., 37 vjeç, dhe shoqërimin e tij për në spitalin psikiatrik ku dhe ndodhet aktualisht.

Në vijim të veprimeve është bërë arrestimi i tij për veprën penale “Dhuna në familje”. Materialet i kaluan Prokurorisë, për veprime të mëtejshme procedurale.

 

Të ngjashme