39-vjeçari gjendet i vdekur në makinë me plagë plumbi, çfarë dyshohet

Një 39-vjeçar në Fier është gjetur i pajetë brenda një makine.

Ngjarja ndodhi rreth orës 11:20, në një automjet tip “Volkswagen” të parkuar në anë të rrugës, në fshatin Daullas.

Burime zyrtare nga policia bënë me dije se bëhet fjalë për shtetasin me inicialet J. B., 39 vjeç, banues në Tiranë.

Nga veprimet e deritanishme, dyshohet se 39-vjeçari është vetëvrarë me armë zjarri.

Shërbimet e Policisë kanë shkuar menjëherë në vendngjarje, ku kanë gjetur një armë zjarri pistoletë dhe një gëzhojë të fishekut të saj.

Grupi hetimor, në drejtimin e Prokurorisë, po vijon veprimet hetimore për të sqaruar rrethanat e ngjarjes.