4 gjëra për të cilat nuk duhet ta gënjeni kurrë partnerin

Në çdo marrëdhënie, gënjeshtra nuk është e dëshirueshme. Thjesht, e vërteta është përgjigja më e mirë në çdo situatë. Megjithatë, nëse jeni të sinqertë, do ta pranoni se e keni gënjyer të paktën një herë partnerin. Shpesh njerëzit gënjejnë me qëllimet më të mira, për të ruajtur qetësinë në marrëdhënie.

Kjo është disi e kuptueshme, edhe pse në të vërtetë nuk ka nevojë për të, sepse gjysma juaj tjetër do të pranojë gjithçka në mënyrën e duhur, nëse është dashuri e vërtetë. Megjithatë, ka edhe gënjeshtra shumë të mëdha dhe të rrezikshme që nuk duhen thënë kurrë.

Tradhtia

Tradhtia është një gjë e keqe në vetvete dhe duhet t’ju bëjë të pyesni, pse jeni ende në një marrëdhënie me personin që po tradhtoni. Jeni përgjithësisht të pakënaqur apo sjellja e personit ndaj jush është e keqe? Gënjeshtra për tradhtinë e bën të gjithë situatën edhe më të komplikuar, pavarësisht nëse po e bëni për të mbrojtur veten apo personin që mund të doni ende.

Duke qenë i pandershëm, nuk po bëni gjë tjetër veçse po përjetësoni mashtrimin dhe askush nuk meriton të trajtohet në atë mënyrë.

Ndjenjat

Njerëzit në marrëdhënie shpesh gënjejnë se si ndihen vërtet, në mënyrë që të mos fillojnë debate me partnerin nëse sjellja e tyre është arsyeja e humorit të tyre të keq. Kur ka një problem, mënyra më e mirë për ta zgjidhur atë është përmes një bisede të sinqertë. Besoni se partneri juaj kujdeset për ndjenjat tuaja, dhe nëse nuk kujdeset, atëherë pyesni veten pse jeni ende në një lidhje me të.

Gënjeshtra për seksin

Partneri juaj nuk do ta dijë se nuk ju pëlqen diçka ose që nuk ju pëlqen një gjë e caktuar, nëse nuk ia tregoni. Ju mund të shqetësoheni se do të lëndoni ndjenjat e partnerit tuaj duke e bërë këtë, por besoni se të qenit i sinqertë për këtë çështje është më e dobishme për të dy.

Gënjeshtra për paratë

Fshehja e llogarive dhe kartave, shpenzimet e larta për gjëra të panevojshme dhe më e keqja nga të gjitha, shpenzimi i parave të partnerit tuaj pa pëlqimin paraprak – e gjithë kjo është katastrofike për marrëdhënien tuaj.