Ndeshjet e mbrëmjes të së shtunës kanë përcaktuar edhe dy Kombëtare të tjera që siguruan kualifikimin për në fazën tjetër të Botërorit ‘Katar 2022’, ndonëse ende nuk janë zhvilluar ndeshjet e fundit të kësaj faze.
Ishin Gjermania dhe Danimarka dy të parat që mundën të siguronin Botërorin. Gjermania kryeson grupin J me 24 pikë, ndërsa Danimarka kryeson grupin F me 27 pikë.
Teksa pas mbrëmjes të së shtunës ‘biletat’ për në Katar i prenë edhe Franca me Belgjikën, të cilat kryesojnë grupet e tyre me 15 dhe 19 pikë.
Mbrëmjen e sotme do të zhvillohen 10 takime të tjera nga ku Portugalia me Serbinë dhe Spanja me Suedinë do të luftojnë me gjithçka për kreun e grupeve të tyre, pasi dyshja e parë janë me pikë të barabarta nga 17, ndërsa te çifti i dytë suedezët kanë 15 pikë, një më pak se Spanja./K.T/Gijotina.com
Discussion about this post