Kanë kaluar vetëm 4 ditë nga ekzekutimi i 28-vjeçarit, Klisman Preçi dhe plagosjes së Ylli Brahimit para hyrjes së pallatit të tyre në Milot. Pavarësisht se lëviznin me makinë të blinduar me targa maqedonase, Brahimi dhe Preçi nuk kanë arritur t’i shpëtojnë breshërisë së plumbave të killerave në Milot.
Policia e Shtetit ka ndërmarrë sot një aksion për të kapur autorët e atentatit të frikshëm në Milot, të cilët mund të fshihen dhe pas ekzekutimit të trefishtë në mbikalimin e Fushë-Krujës, të Brilant Martinajt dhe dy miqve të tij. Policia ka zbarkuar në fshtatin Nikel të Krujës ku ka zhvilluar disa kontrolle në disa banesa. Mësohet gjithashtu se janë shoqëruar dhe disa persona por ende nuk dihet identiteti i tyre. Grupi hetimor beson se dëshmitë e tyre mund të jenë të vlefshme për hetimin e dy atentateve të fundit, të cilët lanë pas 4 viktima dhe 1 të plagosur.
Discussion about this post