Aktivisti dhe avokati Elton Laska ka reaguar lidhur me ngjarjet e fundit kriminale që kanë tronditur vendin, që sipas tij, janë dëshmi e kaosit dhe mungesës së rendit.
Në një postim në rrjetet sociale, Laska shkruan se janë regjistruar 4 vrasje në vetëm një javë duke dëshmuar brutalitetin me të cilin operon dora e krimit në vend.
Ai shton më tej se këto ngjarje tragjike nxjerrin në pah edhe një herë dështimin e instancave ligjzbatuese, që duket se janë në drejtim të paditur.
Sipas Laskajt, Policia i mbyll këto ngjarje me shprehjen “hëngshin kokat e njëri-tjetrit”, teksa sipas tij, krimet e pazbardhura krijojnë terren për krime të tjera, duke vazhduar zinxhirin e hakmarrjes. Ndër të tjera ai bën thirrje edhe SPAK-ut që të veprojë.
4 të vrarë në një javë: dëshmi e kaosit dhe mungesës së rendit!
Në vetëm një javë, janë regjistruar 4 vrasje në Tiranë, Shkodër dhe Vlorë, duke dëshmuar brutalitetin me të cilin operon dora e krimit në vend. Këto ngjarje tragjike nxjerrin në pah edhe një herë dështimin e instancave ligjzbatuese, që duket se janë në drejtim të paditur.
Krimet e pazbardhura krijojnë terren për krime të tjera, duke vazhduar zinxhirin e hakmarrjes. Në vend që të veprojë, shteti mbyll sytë e bën sehir. Duke sikur çështje të tilla, policia i mbyll me shprehjen “hëngshin kokat e njëri-tjetrit”.
Kryeministri, ndërkohë, duket se shqetësohet vetëm për pastrimin e parave të krimit në sektorin e ndërtimit, pa u ndalur tek fakti që SPAK ka ekspozuar kupolën e Policisë së Shtetit si një vegël të krimit dhe baronëve të korrupsionit.
Është koha për veprim! SPAK duhet të kërkojë ndihmën e partnerëve ndërkombëtarë për të luftuar krimin e organizuar dhe për të garantuar sigurinë e qytetarëve shqiptarë. Rendi dhe siguria nuk mund të jenë në mëshirën e bandave!
Discussion about this post