Pas vendimit të Gjykatës së Hagës për të dënuar me 4 vjet e gjysmë burgim, Nasim Haradinajn, reagon edhe bashkëshortja e këtij të fundit, Xhejlanja. Ajo e cilësoi vendimin si shumë të padrejtë dhe racist ndërsa u shpreh se nuk priste drejtësi.
Xhejlanja tha se i është dukur sikur vendimi është marrë nga Serbia.
“Ky vendim për mua ka qenë i pritur, pasi që Nasimi është marr padrejtësisht prej fillimit, s’kam pritur diçka tjetër. Kjo gjykatë është e padrejtë dhe shumë raciste, sot edhe e tregoj veten”, tha ajo.
“Nasimi ka thirr në ora 7, ka qenë i qetë. S’ka hiç drejtësi, kështu që ishim të përgatitur. Të ishte bërë e kundërta isha befasuar edhe unë edhe ai. Është e vështirë, por jemi mësuar të ballafaqohemi me kësi sene. Më është dukur sikur Serbia është ka dënon. Nasimi më tha “për mua është me rëndësi Kosova me qenë mirë, populli me qenë mirë, atdheu me qenë mirë”, deklaroi ajo.
“Asnjë grimë s’jom mërzit, as ai, as unë kur është atdheu në pyetje”, shtoi më tej Xhejlanja.
Discussion about this post