Tragjik ishte fati i një 4-vjeçari në Kosovë, i cili ndërroi jetë pasi u mbyt në një kanal. Ngjarja ndodhi në Ibër Lepenc mbrëmjen e së hënës.
Daja i vogëlushit pohoi për mediat se fëmija ishte duke u kujdesur për lopët së bashku me djalin e hallës së tij disa metra larg shtëpisë, ndërsa papritur rrëshqiti dhe përfundoi në kanal. “E kanë marrë lopën së bashku me një nip të vetin, djalin e hallës. Djali u afrua afër kanalit ka rrëshqitë dhe ka rënë në të”, ka thënë daja i viktimës.
Ai ka falënderuar FSK-në dhe të gjithë ata që kanë dalë për të kërkuar trupin e vogëlushit që u gjet gjatë së martës. “Unë apeloj të gjithë që të vendosin një lloj mburoje te kanali pasi që sot i ka ndodhur nipit tim, nesër dikujt tjetër. Motra nuk është mirë. Po mundohemi ta qetësojmë. Inshallah do Zoti e i ndihmon. I ka edhe dy fëmijë tjerë, por evladi është i dhimbshëm”.
Rikujtojmë se 4 vjeçari kishte rënë në kanalin e Iber Lepencit mbrëmjen e së hënës.
Discussion about this post