4 vjeçarja në reanimacion, në gjendje kritike. Rrëzohet nga shkallët elektrike tek Toptani Shoping Center

Mjekët po luftojnë ta mbajnë në jetë 4 vjeçaren e cila paraditen e kësaj të diele është rrëzuar duke pësuar dëmtime të rënda.

Ngjarja ka ndodhur tek Toptani Shoping Center ndërsa e mitura është dëmtuar tek shkallët elektrike.

Ngjarja po hetohet si aksidentale ndërsa janë kryer të gjitha verifikimet për kushtet e sigurisë të qendrës tregtare.

Aktualisht e mitura ndodhet nën kujdesin e mjekëve në reanimacion dhe terapi intensive.

Tiranë/Informacion paraprak

Më datë 01.09.2024, rreth orës 11:15, në një qendër tregtare në rrugën “Murat Toptani”, dyshohet se aksidentalisht është rrëzuar në hapësirën midis shkallëve elektrike të katit të 3-të, një e mitur 4 vjeçe, e cila si pasojë është dëmtuar dhe ndodhet në spital, në kujdesin e mjekëve.

Grupi hetimor po punon për sqarimin e rrethanave të ngjarjes.