4 vjedhje në 10 ditë, kapet hajduti i supermarketeve në Tiranë – Video

Policia e Tiranës ka arrestuar një 25-vjeçar i cili akuzohet se kishte kryer disa vjedhje në 2 supermarkete në Tiranë.

Efektivët e Komisariatit të Policisë Nr. 3, pas 4 denoncimeve të 10 ditëve të fundit, për vjedhje të produkteve ushqimore dhe pijeve alkoolike, në supermarkete, vunë në pranga shtetasin A. C., 25 vjeç, banues në Elbasan, thanë burime zyrtare nga policia e Turanës.

Vijojnë hetimet për dokumentimin e vjedhjeve të tjera që mund të ketë kryer ky shtetas, ndërsa materialet procedurale iu referuan Prokurorisë së Tiranës, për veprime të mëtejshme, shtuan të njëjtat burime.