Dy persona humbën jetën dhe dhjetëra tjerë u lënduan në aksident të rëndë trafiku, që ndodhi si pasojë e një përplasje të njëpasnjëshme të veturave në Bavari të Gjermanisë.
Ekipet e shpëtimit dhe helikopterë të shumtë u shfaqën në autostradë ku ndodhi aksidenti, duke mbyllur përkohësisht qarkullimin derisa policia të kryente hetimet dhe të ndihmonte të lënduarit.
Autoritetet e atjeshme thonë se rreth 40 vetura janë përfshirë direkt në aksidentin zinxhiror, që ndodhi si pasojë e reshjeve të mëdha të shiut në afërsi të qytetit Ëurzburg.
Autoritetet thonë se ngjarja është rezultat i tre përplasjeve të ndara, që përfundimisht çuan në mbylljen e autostradës A3 në drejtim të Nurembergut.
Zëdhënësi i policisë tha se disa makina u përfshin fillimisht në aksident, ku më pas edhe të tjera u përplasën në mënyrë zinxhir.
Discussion about this post