Zv Dekani i Mjekësisë, Ilir Alimehmeti, përmes një postimi në rrjetet sociale, ka komentuar faktin që aplikimet për Mjekësi të Përgjithshme këtë vit kanë rënë me 40%.
Alimehmeti shkruan se kjo është pasoja kur tentohet që të imponohen njerëzit e lirë. Po ashtu, mjeku ka deklaruar se Shqipëria po bëhet si një vend afrikan dhe me ligje afrikane.
“Rënie me 40% e aplikimeve në Mjekësi të Përgjithshme sipas të dhënave zyrtare nga Ministria e Arsimit! i kisha paralajmëruar publikisht që kjo do të ndodhte dhe dëmin do ta kishim direkt që në shtator. Kjo ndodh kur nuk konsultohesh me njerëzit që e njohin fushën!
Ata nuk të ndihmojnë më! Kjo ndodh kur ushtron imponimin mbi njerëzit e lirë! Ata ikin! Tani prisni rënien e nivelit mesatar të studentëve që do të regjistrohen sivjet në krahasim me një vit më parë! Edhe këtë e kam paralajmëruar publikisht!
Të gjitha këto tregojnë qartë që pas disa vitesh do të kemi nivel më të ulët mesatar të mjekëve që do të na shërbejnë! Meqënëse jemi bërë si vend afrikan me ligje afrikane, po e mbyll me një proverb të Etiopisë: Këshillo, por nëse nuk të dëgjojnë, lëri që të mësojnë prej problemeve që do të krijojnë!”, shkruan mjeku i njohur.
Discussion about this post