Nënkryetari i Partisë së Lirisë, Petrit Vasili ka reaguar pas publikimi të të dhënave të INSTAT për plakjen e popullsisë, ku sipas raportit grupmosha deri në 29 vjeç u tkurr me 40 mijë persona në vetëm një vit.
Në një postim në Facebook, Vasili shkruan se kjo është një dramë atdhevrasëse dhe qeveria nuk ka asnjë projekt apo ide për ta ndaluar.
Reagimi:
Kjo është drama atdhevrasëse!
Dyzet mijë të rinj deri në moshën 29 vjeç largohen vetëm në një vit!
Rinia, pra forca aktive, largohet masivisht, Shqipëria njerëzore mpaket e plaket përdite, ekzistenca dhe identiteti ynë jane në një rrezik të jashtëzakonshëm.
Nga qeveria asnjë zgjidhje, asnjë ide, asnjë projekt madhor, asnjë shpresë, që kjo të ndalet.
Nga qeveria vetëm lajme të hidhura, grabitje e pandalshme, pabarazi përpara ligjit dhe përçmim e përbuzje ndaj njerëzve të thjeshtë.
Mendoni pra se sa e ligë dhe sa atdhevrasëse është propaganda e qeverisë dhe e gjithë atyre, qe i mbajnë ison përpara kësaj drame të pandalshme.
Discussion about this post