Një 40-vjeçar ka vdekur dy ditë pasi u sulmua në një pikë karburanti, ndërsa policia arrestoi një të mitur 15-vjeçar si autorin e dyshuar të ngjarjes.
Thomas Mallaby, 40 vjeç, u plagos rëndë në një stacion shërbimi në fshatin Annfield Plain, pranë Stanley, Co Durham, në orët e para të së dielës. Policia tha se vdekja nuk ishte kishte të bëntë me problemet aktuale mbi furnizimin me karburant që po ndodhin në Britani.
15-vjeçari u arrestua të hënën në lidhje me incidentin dhe u lirua me kusht në pritje të hetimeve të mëtejshme. Mësohet se gruaja dhe familja e Mallaby po mbështeten nga oficerë specialistë.
Dedektivi Dave Ashton, i cili po udhëheq hetimin, tha të mërkurën: “Ky ishte një incident vërtet tragjik dhe mendimet e mia janë me familjen dhe miqtë e Mallaby pas humbjes së tyre shkatërruese. Ne po punojmë për të përcaktuar saktësisht atë që ndodhi, por unë do të doja të siguroja komunitetin se ne nuk po kërkojmë askënd tjetër në lidhje me këtë incident”.
Aktualisht policia britanike ka nisur hetimet, ndërsa shumë shpejt pritet të bëhet zbardhja e ngjarjes dhe arrestimi i autorit.
