Policia e Korçës ka goditur dy raste të kalimit në mënyrë klandestine të emigrantëve për në vendet e BE-së, kundrejt shpërblimit prej 400 eurosh.
Mësohet se, në pranga kanë rënë katër persona, të cilët, janë konstatuar duke transportuar 7 emigrantë të paligjshëm. Në pranga kanë rënë, J. D., 18 vjeç; R. P., 20 vjeç, banues në Korçë dhe E. M., 20 vjeç; J. H., 20 vjeç, banues në Tiranë.
Shërbimet e policisë kanë konstatuar në aksin rrugor Korçë-Pogradec, pranë fshatit Podgoricë, mjetin tip “Benz”, me drejtues R. P. dhe pasagjer J. P., me të cilin po transportonin 4 emigrantë të paligjshëm.
Gjithashtu, në lagjen nr. 3, Pogradec, shërbimet e Policisë Rrugore kanë kapur mjetin tip “Benz”, me drejtues E. M. dhe J. H., duke transportuar tre emigrantë të paligjshëm, të cilëve kundrejt shpërblimit 400 euro secilit, iu kishin premtuar kalimin drejt vendeve të BE-së.
Materialet i kaluan Prokurorive së Rretheve Gjyqësore Korçë dhe Pogradec për veprën penale “Ndihma për kalim të paligjshëm të kufirit”, kryer në bashkëpunim.
Discussion about this post