Ajax vazhdon të dominojë futbollin holandez dhe të tregojë vit pas viti se është padyshim klubi më me histori në vend dhe kohët nuk mund ta ndryshojnë këtë.
Këtë sezon ata mundën të sigurojnë titullin e 35-të kampion, dy javë para fundit të Eredivise. Gjatë gjithë këtij edicioni, për shkak të pandemisë tifozët nuk ishin të pranishëm në stadium.
Ajax ka vendosur të bëjë një gjest shumë të bukur për ta, në mënyrë që të shpërblejë sadopak zhgënjimin e të mos parit nga shkallët e stadiumit skuadrën e zemrës.
Klubi ka vendosur të shkrijë trofeun e titullit dhe përmes disa proceseve e ka kthyer në 42390 yje të vegjël, që do i jepen secilit prej tifozëve, që janë anëtarësuar për të parë ndeshjet nga stadiumi.
