Kreu i Këshilli Kombëtar të Partisë Demokratike, Edi Paloka ka lejuar të futen në zyrën e tij, aty ku qëndrojnë 4200 firmat për mbledhjen e Këshilli Kombëtar, gazetarët dhe kamerat për të bërë të mundur verifikimin e tyre.
Në një deklaratë nga selia blu, Paloka iu përgjigj akuzave të kryedemokratit Lulzim Basha kur tha se firmat nuk janë mbledhur dhe ish-kryeministri Sali Berisha po luan blofin. Paloka iu ka kërkuar gazetarëve të mos publikojnë emrat, verifikimi i të cilëve do bëhet ditën e mbajtjes së Kuvendit.
“Të ulen me durim të numërohen një për një këto formularë. Do ju kërkoja vetëm një gjë, të dhënat personale mos i fokusoni. Së pari ri konfirmoj se janë 4200 të dorëzuar atë ditë që ju ishit dëshmitarë. Kanë ardhur edhe formularë të tjerë. Janë plotësuar nga delegatët. Kush janë delegatët? Të përcaktuar në statut që shkojnë deri tek kryetari i partisë. Të gjithë këta që kanë firmosur nuk janë anëtarë të thjeshtë por delegatë të Kuvendit siç përcaktohet në statut. Anëtarët e Kuvendit janë po ata, nga kryetari i sesionit deri tek kryetari i partisë. Janë të gjitha të dhënat, me emër mbiemër, funksionin që kanë në parti. Edhe njëherë ua përsëris juve të kamerat mos i fokusoni emrat. Gazetarët nuk i njohin të gjithë delegatët, madje as unë. Por këtë verifikim e bën komisioni i mandateve në Kuvend siç ndodh në kuvendet e zakonshme. U aludua që nuk janë fare, dikush mund të thotë që janë marrë me zor apo janë falsifikuar, kjo do vërtetohet ditën e Kuvendit”, tha Paloka
Ditën e mërkurë, se selinë e PD, u dorëzuan 4200 firmat e delegatëve të grumbulluara nga “foltorja” e ish-kryeministrit Sali Berisha, me kërkesën për mbledhjen e Kuvendit Kombëtar të PD-së. Kreu demokrat, Lulzim Basha dhe sekretari i Përgjithshëm, Gazment Bardhi kanë hedhur vazhdimisht akuza se firmat nuk janë mbledhur dhe ish-kryeministri, Sali Berisha po luan blofin.
Discussion about this post