Në kuadër të operacionit “Restart”, policia e Korçës ka vënë në pranga katër të rinj, mes tyre dy vëllezër, pasi akuzohen se kultivonin dhe shpërndanin lëndë narkotike. Sipas njoftimit, në pranga kanë rënë vëllezërit Klaudio dhe Bardhi Sino, Blerim Karameta dhe Igli Cangëtari.
Shërbimet e policisë, në bazë të informacioneve se këta të rinj do të transportonin një sasi droge, organizuan punën dhe bënë lokalizimin e mjetit tip “Mercedes-Benz”, në afërsi të hyrjes së fshatit Miras, Devoll, me drejtues Klaudi Sinon. Gjatë kontrollit të ushtruar në automjet, u gjetën e sekuestruan në cilësinë e provës materiale 65 pako, me peshë totale 69 kg lëndë e dyshuar narkotike kanabis.
Gjithashtu gjatë kontrollit të ushtruar në banesën e 35-vjeçarit, iu gjetën e sekuestruan edhe 3 kg të tjera lëndë e dyshuar narkotike kanabis dhe një sasi municioni luftarak. Pas hetimeve, rezultoi se të rinjtë kanë bashkëpunuar me njëri tjetrin për kultivimin e kanabisit.
Mësohet se, ka shkruar në 16 numri i të ndaluarve dhe në 445,5 kilogramë lëndë narkotike kanabis e sekuestruar në kuadër të këtij operacioni, për goditjen e një grupi kriminal në fushën e trafikimit të lëndëve narkotike në drejtim të shtetit grek, shpërndarjes së lëndëve narkotike dhe armëmbajtjes pa leje.
Discussion about this post