Në një deklaratë për mediet ka folur sot i afërmi i 49-vjeçarit në Dibër që dyshohet se është mbytur në lumin Drin. Riza Xhika tha se, i gjithë fshati ka nisur kërkimet që nga ora 5 e mbrëmjes së kalur por nuk kanë gjetur asgjë. Ai u shpreh i revoltuar që Emergjencat Civile nuk iu janë përgjigjur kërkesës së tyre për të shkuar dhe bërë kërkime të specializuara.
“Në 4 e gjysmë të darkë na njoftuan se Tefiku ka ikur dhe nuk është kthyer më. Që nga ajo orë të gjithë burrat e zonës kanë filluar kërkimet. Fshati vetë është organizuar në kërkime, se palombar nuk kanë ardhur. Drini ka kaq kohë ,ne jemi mësuar dhe pasi ka pasur edhe raste të tjera të tilla.
Ne kemi bërë kërkese mbrëmë tek Emergjencat Civile dhe nuk kanë ardhur, as sot madje. Shteti vjen për vota te ne, por për këto nevoja jo. Tani ne kërkojmë që të sjellë specialistë për kërkimin”, tha ai. Tofik Xhik kishte lënë makinën tek lokali i fshatit Fushë-Alie dhe kishte shkuar për të peshkuar në lumin Drin dhe më pas askush nuk e ka parë.
Discussion about this post