Sipërmarrësit janë vazhdimisht të zënë. Kalojnë orë të gjata në zyrë, marrin vendime të vështira dhe punojnë shumë. Por, nëse ndiheni të mbingarkuar nga puna juaj, duhet të delegoni detyra.
Sipërmarrësit e zgjuar e dinë se nuk mund të bëjnë gjithçka vetë. Mund të duket kundërintuitive, por delegimi i detyrave në fakt mund ta bëjë punën tuaj më të lehtë.
Në vazhdim shpjegohen pesë këshilla të zgjuara, që do t’ju ndihmojnë të delegoni me efikasitet detyrat në vendin e punës.
- Jepini vetes hapësirë për të menduar
Nuk mund t’i delegoni siç duhet, nëse jeni ulur në një takim ose jeni duke biseduar me një klient për një projekt. Ju duhet kohë dhe hapësirë e mjaftueshme, që të rishikoni dhe delegoni me vetëdije detyrat.
Mbani mend, nuk po delegoni detyra sepse nuk keni asgjë tjetër më të mirë për të bërë. Ju po e bëni këtë, në mënyrë që puna të mund të përfundojë në mënyrë të kënaqshme dhe në kohë.
- Identifikoni kandidatin më të mirë për secilën punë
Delegimi i detyrave, nuk ka të bëjë me dhënien e detyrave njerëzve në mënyrë të rastësishme. Ju duhet të identifikoni kandidatin më të mirë për këtë punë.
Pyesni veten nëse detyrat kryhen më mirë nga ju apo dikush tjetër në ekipin tuaj. Mbi të gjitha, mos lejoni, që paragjykimet personale t’ju pengojnë.
Nëse nuk mund të identifikoni dikë nga brenda dhe/ose puna është jashtë fushës suaj të ekspertizës, mund të jetë një shenjë, që keni nevojë për ndihmë shtesë. Punësoni një shitës, konsulent ose profesionist të pavarur, për të marrë rezultatet e dëshiruara.
- Delegoni shumë detyra njëkohësisht
Është shumë më e lehtë të identifikosh detyrat dhe t’ua caktosh ato të tjerëve me një veprim. Njerëzit do të jenë të zënë me punë për periudha më të gjata kohe, dhe ju do t’i jepni vetes kohë të mjaftueshme për të bërë punën tuaj.
Një tjetër bonus për këtë qasje është se ju fitoni një ndjenjë më të mirë të asaj, që saktësisht duhet të ketë përparësi në biznesin tuaj.
- Mbani shënim detyrat e deleguara
Delegimi i detyrave te të tjerët, nuk ju çliron nga kontrolli i detyrave. Nëse drejtoni biznesin tuaj, duhet të dini ende se çfarë po ndodh, në mënyrë që të merrni vendime në kohë.
Mbani shënim të gjitha detyrat, që u delegoni të tjerëve.
- Informohuni për mbarëvajtjen e punës
Pavarësisht nëse i keni dhënë dikujt leje të pjesshme ose të plotë për të punuar në një projekt, ju ende duhet të dini si po kryhen detyrat që keni deleguar.
Në varësi projektit, mund të dëshironi të planifikoni takime të shkurtra kontrolli dhe takime rishikimi të thelluara me punonjësit. /Inc
Discussion about this post