Pas përfundimit të ndeshjeve të fundit të fazës së grupeve në Champions, Europa dhe Conference League, ditën e sotme do të rikthehen ndeshjet e kampionateve vendase në 5 ligat kryesore të kontinentit tonë.
I konsideruar si kampionati më i fortë i momentit, Premier League do të nisë javën e 16 më takimin Brentford-Watford që do të zhvillohet në orën 21:00 të mbrëmjes.
Ligue 1 e Francës do të ketë si takim të parë të raundit të 18 ndeshjen mes Lens dhe Nantes që është planifikuar që të nisë po në orën 21:00.
Në Bundesligë është sfida mes FC Koln dhe Augsburg që starton në orën 20:30, ajo e cila do të hapë javën e 15 të kampionatit më të rëndësishëm të futbollit në Gjermani.
Teksa në Seria A është përballja Sampdoria-Genoa që fillon në orën 20:30, që do të jetë edhe starti i raundit të 17 të këtij kompeticioni.
Në fund La Liga e Spanjës në orën 21:00 do të presë sfidën mes Mallorcas dhe Celta Vigos, takim ky i vlefshëm për javën e 17. Megjithatë duhet theksuar se në këtë kampionat ka ende ekipe që nuk kanë përfunduar as raundin e 16 të tyre./K.T/Gijotina.com
Discussion about this post