Banorët e “5 Majit” kanë dalë sërish në protestë pasditen e sotme. Ata atë revoltuar janë përplasur me efektivët e policisë të cilët i pengonin të hynin në banesat e tyre, që janë në plan për t’u prishur nga Bashkia Tiranë. Madje ata as nuk po lejohen të protestojnë. Një nga banorët tha se është e turpshme që policia iu pengon të drejtës e fjalës. Ai tha se qeveria po iu lë fëmijët në mes të rrugës dhe po sillet me ta njësojë si në komunizëm
“E kam dorëzuar njoftimin se do kishim një protestë ditën e sotme në orën 17:00, madje më kanë marrë edhe në telefon dhe e kanë verifikuar sërish. Tani nuk e di se çfarë ndodh këtu, nuk na lënë të shfrytëzojmë një të drejtë themelore. Ky është komunizëm jo demokraci. Na kanë lënë fëmijët në mes të katër rrugëve dhe na thonë se po marrim më shumë se meritojmë, ky është krim”, tha një nga banorët.
Banorët e kësaj zone kanë protestuar me muaj të tërës por sërish bashkia nuk i ka marrë për bazë kërkesat e tyre, madje pak ditë më parë u shembën 11 banesa, ndërsa në total do të prishen 700 shtëpi.
Discussion about this post