5 muaj pa bursa/ Studentët: Nëse nuk miratohen, do reagojmë ashpër

Senatori i Universtitetit të Tiranës, Elio Mulgeci deklaroi se studentët prej 5 muajsh nuk trajtohen nga shteti me bursë.

Ai tha se nëse situata nuk do ndryshojë, atëherë reagimi i studentëve do të jetë i pashmangshëm.

“Kjo është një situatë e përsëritur, ku që prej protestës studentore kanë nisur vonesat. Jemi në komunikim të vazhdueshëm me Administratorin e Universtitetit të Tiranës, dhe proitet që në javët në vijim të kalojnë bursat për studentët. Nëse në vitet e kaluara bursat kanë kaluar në muajin mars, këtë vit shpresojmë që të tërhiqen pak më shumë duke pasur parasysh situatën që po kalojmë.

Nëse nuk i kalojnë atëheërë askush besoj nuk dëshiron të përballet me studentët dhe bursat që kemi marrë i kemi marrë si pasojë e protestës madhështore që kemi bërë në vitin 2018. Dhe besoj se askush nuk dëshiron që ajo sitiuatë të përsëritet sërish”, u shpreh Mulgeci.

Ndërsa Kanita Kadiu, studente që është shpallur si fituese e trajtimit me bursë theksoi se që nuk ka përfituar ende asnjë qindarkë, pasi bursat nuk jepen.

“Bursat po vonohen më shumë se ç’duhet dhe duke llogaritur faktin se universiteti fillon në tetor, deri tani nuk kam marrë asnjë lekë nga bursa”, theksoi ajo.