Për pesë orë rresht, Roula Pispirigou, tregoi me ftohtësi të pabesueshme versionin e saj të historisë së vdekjes të së bijës 9-vjeçare, Georgina, një ngjarje kjo që ka tronditur opinionin grek dhe jo vetëm.
Sipas medieve greke, nëna në asnjë moment nuk u pa të “thyhet” para hetuesve teksa fliste për ndarjen nga jeta të vogëlushes së saj. 33-vjeçarja për herë të parë u dëgjua të thoshte fjalët “vajza ime, Georgina ime, fëmija im”, duke dashur kështu të marrë rolin e një nëne të dhimbsur dhe t’i shpëtojë hekurave të burgut.
Gjatë dëshmisë para hetuesit të 18-të ditën e hënë, ajo ndër të tjera u shpreh se pas vdekjes së fëmijëve, familja e saj u shkatërrua plotësisht duke mohuar të ketë vrarë të bijën.
“Asnjë nënë nuk mund të lëndojë fëmijët e saj…. Vdekja e Georginës, pas vdekjes së dy vajza të para, erdhi si një goditje përfundimtare për mua dhe po ashtu edhe për familjen dhe martesën time”, u shpreh 33-vjeçarja.
Megjithatë, në përpjekjen për ta bindur për pafajësinë e saj, Roula Pispirigou duket se nuk kishte asnjë aleat, përveçse motrën e saj, ndërsa këtë herë as nëna e 33-vjeçares nuk i është gjendur pranë.
Discussion about this post